Siglir tar il cuntegn

Header

cuntegn

Exteriur UE vul negoziar davart l'entrada da dus novs pajais

La cumissiun da l'Uniun europeica vul cumenzar cun las tractativas davart l'entrada da l'Albania e la Mazedonia en l'Uniun europeica.

Dals sis pajais dal Balkan dal vest fan per il mument mo la Slovenia e la Croazia part da l'Uniun europeica. Uss cusseglia la cumissiun da cumenzar a negoziar davart l'entrada da dus ulteriurs pajais: L' Albania e la Mazedonia. L’Albania è in candidat d’entrada dapi il 2014, la Mazedonia dapi il 2005.

Tuts dus pajais hajan fatg bler ils davos mais. Quai duain ins renconuscher, è l'opiniun dal cumissari da l'Uniun europeica Johannes Hahn. Da decider hajan dentant ils pajais commembers.

En tractativas è l'UE il mument cun la Serbia ed il Montenegro. La cumissiun da l'UE vesa quests dus pajais il mument sco favurits per l'adesiun fin l'onn 2025.

RR novitads 18:00

Artitgels legids il pli savens