Siglir tar il cuntegn

Exteriur UE vul arcunar tut las datas da passagiers d'aviun

En il cumbat cunter il terrorissem vul l'Uniun europeica en l'avegnir arcunar tut las datas da passagiers d'aviun. Il parlament da l'UE ha approvà las novas directivas dispitaivlas.

bandiera da l'UE
Legenda: I ha dà decisiuns en il parlament da l'UE suenter lungas tractativas. Keystone

Las directivas obligheschan las societads aviaticas europeicas da surdar lur datas da passagiers als pajais da l'UE. Questas datas vegnan uschia arcunadas durant 5 onns. Las datas duain sustegnair la polizia per evitar attatgas da terror planisadas. Ils stadis da l'UE han ussa dus onns temp da midar las directivas en il dretg naziunal.

Nov pachet per la protecziun da datas

Ultra da quai ha il parlament da l'UE approvà suenter tractativas da bunamain 4 onns in nov pachet davart la protecziun da datas. Quel duai surtut proteger meglier ils utilisaders da l'internet. Uschia na dastgan interpresas en l'avegnir betg pli duvrar u dar vinavant datas senza il consentiment explicit dals pertutgads.

RR novitads 15:00