En l'Uniun europeica na datti a partir dad oz betg pli pusada, cups, bastunets da vatta ed auters products da bittar davent da plastic en las butias.
Tut ils pajais commembers ston a partir dad immediat realisar ina directiva dal 2019. Tut en tut na dastgan 10 products betg pli vegnir vendids. Latiers tutgan tranter auter uschè numnads cups da «To-Go» u er pachetadis da Fast-Food. Products ch'èn gia magasinads dastgan anc vegnir duvrads vinavant. Ils 10 products fan ensemen cun ils instruments da pestgar ora 70% da tut il rument da l'Uniun europeica che sa tschenta en la mar.
