Siglir tar il cuntegn

Exteriur UE sa dispita davart repartiziun da fugitivs

L'UE sa dispita davart la repartiziun concreta dals fugitivs sirians ord la Tirchia. Ina proposta da fixar il dumber per ils proxims quatter mais è fruntada sin resalvas a l'inscunter dals ministers da l'intern UE a Luxemburg.

Blers fugitivs.
Legenda: Las tractativas davart la clav da repartiziun dals fugitivs èn difficultusas. Keystone

Els dovrian avunda consentiments per l'empermischun da translocar ils fugitivs, ha ditg il minister da migraziun ollandais, Klaas Dijkhoff.

Il pact da fugitivs tranter l'UE e la Tirchia prevesa che la Tirchia prenda enavos tut ils migrants ch'èn fugids en la Grezia. Per mintga fugitiv sirian refusà surpiglia l'UE in auter fugitiv sirian ord la Tirchia. L’admissiun da sirians tras l'UE è vegnida fixada sin 72’000.

RR novitads 17:00