Siglir tar il cuntegn

Exteriur UE prevesa expensas da 144 milliardas euros il 2016

Il parlament da l’Uniun europeica ha approvà il budget per il 2016. A Strassburg ha il parlament approvà la proposta da cumpromiss preschentada dals 28 stadis commembers da l’UE.

Bandieras dal pajais da l'Uniun europeica.
Legenda: L'Uniun europeica dumbra 28 stadis commembers. Keystone

En tut prevesa il budget expensas da bun 144 milliardas euros. En cumparegliaziun cun il 2015 è quai in augment d’expensas da bun 3 milliardas euros.

Sin incumbensa dal parlament en ils meds per surmuntar la crisa da fugitivs vegnids augmentads sin passa 2 milliardas euros.

La gronda part, numnadamain 80% dals daners, vegn dals stadis commembers. Ils ulteriurs 20% ord entradas da l’UE sco entradas da duana.

RR novitads 15.00