Siglir tar il cuntegn
cuntegn

Exteriur UE pretenda respostas da Fiat

Suenter VW vegn ussa era il concern d’autos talian-american Fiat Chrysler adina pli ferm sut squitsch en l'Europa. La cumissiun da l'UE pretenda da l’Italia da sclerir las renfatschas dal ministeri dals transports tudestg envers il constructur d’autos.

il logo dal concern d'autos Fiat
Legenda: Fiat stat en la plievgia e sto cumbatter cunter grevas renfatschas. Keystone

A Fiat Chrysler vegni reproschà d’avair installà ina software illegala en ils motors da diesel. Tenor mesiraziuns da l'Uffizi tudestg d'autos (KBA) tschenta la purificaziun da svapurs giu tar tscherts models suenter 22 minutas. In test da svapurs dura per regla 20 minutas. Las autoritads tudestgas hajan exprimì lur resalvas ha ditg ina pledadra da la cumissiun da l'UE. Els hajan dumandà repetidamain las autoritads talianas da vegnir cun respostas persvadentas.

Er las autoritads d'ambient dals Stadis Unids renfatscha al concern Fiat Chrysler d'avair duvrà software illegala en vehichels da diesel.

Il management da Fiat refusa energicamain questas renfatschas.

Il ministeri da traffic talian ha declerà la stad passada ch'el n'haja chattà naginas manipulaziuns da svapurs tar Fiat Chrysler.

RR novitads 09:00