La Grezia sto sco ch'i para meglierar sias propostas da refurma. En questa direcziun è s'exprimì il schef da la gruppa da l'euro Jeroen Dijsselbloem envers la gasetta neerlandaisa «De Volkskrant».
Sin basa da las propostas fatgas enfin qua na possia la regenza grecca betg quintar cun l'agid da milliardas ch'ella dovra. Da 20 mesiras che Athen stoppia prender sajan enfin ussa vegnidas preschentadas be 6. En il decurs da quest mais sto la Grezia pajar enavos als crediturs credits da milliardas.