Siglir tar il cuntegn

Header

cuntegn

Exteriur UE elavura nov sistem per proteger ses cunfins exteriurs

Pervi da la crisa da fugitivs vul l’Uniun europeica concluder enfin il zercladur 2016 in nov sistem da protecziun da cunfin per ses cunfins exteriurs. Uschia èn las regenzas dals 28 pajais da l'UE sa cunvegnidas da l'inscunter suprem a Brüssel.

Fullas a l'Eurotunnel

Avrir la box Serrar la box

La gievgia han fugitivs datiers da la citad Calais empruvà da cuntanscher la Gronda Britannia tras l'Eurotunnel. Tenor la polizia han fin 1'000 persunas empruvà da franar il traffic, per pudair sa zuppar en camiuns. Policists han fatg diever da gas lacrimogen. A Calais duain viver 4'500 fugitivs en champs improvisads.

La cumissiun da l'UE aveva fatg ina proposta ch'è dentant fitg dispitaivla tar intgins pajais. Ella preveda tranter auter, che la protecziun da cunfin communabla po era intervegnir cunter la veglia d'in pajais commember da l’UE, sche quel na protegia betg bain avunda ses cunfins exteriurs.

Gist avant l’entschatta da l’inscunter ha il president dil cussegl da l’UE Donald Tusk ditg, che quai dovra «pass dolorus» per puspè pudair proteger ils cunfins dal spazi da Schengen a moda effectiva.

Plinavant han ils presidents da stadi e da regenza supplitgà la cumissiun da proponer ina refurma dal sistem da Dublin per proceduras d'asil.

RR novitads 06:00

Artitgels legids il pli savens