Siglir tar il cuntegn

Exteriur UE duai reparter 200’000 fugitivs

Il cumissari da fugitivs da l'ONU, Antonio Guterres pretenda da l'Uniun europeica da reparter fin 200'000 fugitivs sin ses stadis commembers.

antonio guterres
Legenda: Fugitivs Il cumissari da fugitivs da l'ONU, Antonio Guterres fa squitsch sin l'UE. Keystone

Umans cun in dretg acceptà sin protecziun stoppian pudair profitar d'in program da reparter che saja liant per tut ils stadis da l'UE, ha ditg Guterres.

Fin uss n'ha l'UE betg chattà ina schliaziun cuminaivla co reparter ils fugitivs da maniera pli gista. I vegn spetgà che Jean-Claude Juncker, il president da la cumissiun da l'UE, proponia da reparter ulteriurs 120'000 fugitivs.

Il plan da la cumissiun da l’UE da reparter 40’000 fugitivs, ch’eran arrivads en l’Italia e la Grezia, tenor quotas sin tut ils stadis da l’UE, era dà en l’aua il zercladur pervi che differents stadis ost-europeics e la Gronda Bretagna avevan fatg frunt. Il fanadur era sulettamain vegnì concludì da reparter 32’000 umans sin basa voluntaria.

RR novitads 12:00