Ils daners duain gidar la Tirchia a recepir fugitivs sirians en l'agen pajais, ha ditg il president dal cussegl da l'UE Donald Tusk.
Ils daners èn be per gidar ils fugitivs
Questas 3 milliardas fan part d'in plan d'acziun cuminaivel per franar la lavina da fugitivs en direcziun Europa. L’agid finanzial èn a favur dals fugitivs e betg da la Tirchia, ha ditg il schef da regenza tirc Ahmet Davutohlu. Er la chanceliera tudestga Merkel ha accentuà ch’ils daners èn sulettamain destinads per la prevenziun da la sanadad e per la scolaziun dals fugitivs. La repartiziun dals daners sin ils 28 stadis da l’UE n’è però anc betg clera. Tenor la clav usitada avess la Germania da contribuir ca. 500 milliuns euros.
Viadi da Tirchia en l’UE eventualmain senza visum
Davart critica da la situaziun dals dretgs umans en la Tirchia èsi tenor indicaziuns da Merkel be vegnì discutà a l’ur da l’inscunter. Ella ha dentant accentuà che la pli ferma collavuraziun pussibiliteschia dapli spazi per il tema en il futur. A partir da l’october 2016 pon burgais tircs far quint da viagiar en l’Europa senz’in visum.
RR novitads 06:00