Siglir tar il cuntegn
cuntegn

Exteriur UE cumbatta pli rigurus pajas bassas e dumping social

En l'UE duai quai dar reglas pli severas cunter pajas memia bassas e dumping social. Sin quai èn ils ministers dal socialesser da l'Uniun europeica sa cunvegnids suenter dispitas onns a la lunga.

bandieras dad ue ed stadis commembers
Legenda: Las reglas actualas gidian bain, sajan però memia pauc severas, han decis ils minister per il socialesser dals stadis commembers da l'UE. Keystone

Burgais da l'Uniun europeica (UE) che vegnan tramess a lavurar en l'exteriur, ston vegnir pajads tenor las medemas reglas sco ils indigens. Quai pretendan ils ministers dal socialesser dals stadis commembers da l'UE.

Atgnamein existan gia ussa reglas minimalas per tals lavurers. Savens na vegnan ellas però betg respectadas, uschia ch'ils lavurers vegnan nizzegiads ora. Quai cun betg resguardar ils standards socials locals.

Svizra na sto betg, sch'ella na vul betg

Uss han anc il parlament d'Europa ed ils singuls stadis da l'UE da decider davart las reglas pli severas. La Svizra na stoppia però betg surprender automaticamain questas eventualas reglas novas, di il Secretariat statal per l'economia Seco. Ch'i vegnia renvià sin talas reglas en la cunvegna da circulaziun libera da persunas, na muntia betg ch'ins saja sfurzà da far quai.

RR novitads 06:00