Siglir tar il cuntegn

Exteriur Uber è per l'UE in servetsch da taxi classic

L'intermediatur da servetschs da transport Uber sto desister en l'Uniun europeica da ses servetsch Uber Pop. Tenor il tribunal da la Communitad europeica na dastga glieud privata betg transportar giasts sur la plattafurma dad Uber.

Telefonin cun app dad Uber.
Legenda: Uber Pop sto vegnir reglà sco servetsch da traffic. Keystone

Tenor il tribunal da la Communitad europeica na dastga glieud privata betg transportar giasts sur la plattafurma dad Uber. Uber saja tenor dretg, egual a servetschs da taxi classics e stoppia perquai vegnir regulà correspundentamain.

Purschida via app dal telefonin

Uber porscha sur in'app dal telefonin differentas purschidas en pliras categorias da pretsch. L'interpresa è activa en in tozzel pajais e tschients citads ed ella disturba oravant tut ils taxis classics. Uber ha suenter problems cun la lescha chalà dad offrir quest servetsch en bunamain l'entira Europa, en il fratemp era en Svizra.

Ulteriuras proceduras anc pendentas

Actualmain lavura il servetsch da transport cun persunas ch'han in attest da transport u servetschs da taxi. Il conclus va enavos sin ina procedura, nua ch'in manaschi da taxi da la Spagna ha purtà plant cunter Uber Pop. Al tribunal da la Communitad europeica èn dentant anc pendent pliras proceduras cunter Uber.

RR novitads 14:00