Il pli savens han ils contos in connex cun la milissa terroristica Stadi Islamic. Las regenzas da differents stadis han augmentà il squitsch sin raits socialas da franar la propaganda dschihadista en l'internet.
Dischlocà sin auters chanals
Twitter ha affirmà da gia avair reglas per evitar propaganda extremista. L’interpresa sentenzieschia il diever da Twitter per promover il terrorissem. Però na dettia quai nagina simpla soluziun tecnica per cumbatter l’abus dal servetsch tras dschihadists.
Malgrà las sfidas tecnicas vul Twitter collavurar cun autoritads ed organisaziuns relevantas per far valair lur reglas. Tenor il concern datti dentant gia reacziuns sin la stizzada dals contos e cuntegns: ils dschihadists guntgeschan cun lur activitads sin auters chanals.
RR novitads 09:00