Siglir tar il cuntegn
cuntegn

Exteriur Twitter perda vinavant

Il servetsch da novitads curtas Twitter scriva vinavant cifras cotschnas. Dentant è la svieuta s'augmentada per 61% sin 502 milliuns dollars il segund quartal da quest onn cumpareglià cun l'onn avant.

Logo da Twitter
Legenda: Tenor il cofundatur da Twitter Jack Dorsey na sajan ins betg cuntents cun il svilup dal servetsch. Keystone

Medemamain saja il minus sa reducì da 145 sin 137 milliuns dollars, scriva Twitter. Las entradas da reclama èn s’augmentadas per 63% sin 452 milliuns dollars. La gronda part da questas entradas èn d’attribuir a reclamas sin telefonins u tablets.

Bass nivel d'utilisaders

Il dumber da novs clients che fan diever da Twitter è dentant uschè bass sco anc mai dapi l'entrada en la bursa avant 2 onns. Perquai è l'aczia da Twitter er sfundrada temporarmain per passa 11%.

RR novitads 06:00