Siglir tar il cuntegn
Inhalt

Exteriur Twitter na profitescha betg da Trump

L’interpresa americana Twitter n’ha betg savì profitar da la publicitad causada tras il cumbat electoral american ed ils tweets da Donald Trump. Quai mussan las cifras dal quartal passà.

La lingia sisum dal conto.
Legenda: Il conto da twitter da Donald Trump Situaziun actuala: Trump ha fatg enfin uss 34’462 tweets ed ha 24’307’786 abunents. Keystone

Il servetsch da novitads curtas Twitter ha pudì augmentar il dumber d'utilisaders en il quartal passà mo per 2 milliuns sin 319 milliuns. En il fratemp è creschida la perdita da quartal da 90 milliuns dollars sin 167 milliuns dollars. Cun in plus da svieuta da 0,9% sin 717,2 milliuns dollars n'ha Twitter er betg pudì accumplir las aspectativas dals analists. Sco consequenza da quai ha l’aczia pers la gievgia avant l’avertura da la bursa gia 8% da sia valur.

En il terz quartal ha Twitter anc pudì gudagnar 4 milliuns utilisaders. Il servetsch da novitads curtas cumbatta dapi in temp cun il fatg, ch’el na crescha betg uschè svelt e ch’el scriva cifras cotschnas.

Trump ha procurà e procura, tant en ses cumbat electoral sco er en las primas emnas da ses temp d’uffizi, adina puspè per agitaziuns cun ses messadis da Twitter.

L'exempel pli actual en la collecziun da tweets dispitaivels da Trump

La gievgia passada ha causà quest tweet da Donald Trump discussiuns furiusas. El ha crititgà la chadaina da centers da cumpra Nordstrom per avair prendì or dal sortiment ina collecziun da moda da sia figlia Ivanka. Quai na saja betg fair, scriva Donald Trump sin ses agen conto e repeta quai sin quel dal president dals Stadis Unids:

RR novitads 15:00