Siglir tar il cuntegn
Inhalt

Exteriur Tuttina - Trump sustegna Nato

En in telefonat cun il secretari general da la Nato, Jens Stoltenberg, ha il president american Donald Trump segirà a quel in ferm sustegn dals Stadis Unids per l'allianza militara.

Jens Stoltenberg – il secretari general durant l’inscunter suprem da la Nato il 9 da fanadur 2016 a Warschau (PL).
Legenda: Jens Stoltenberg – il secretari general durant l’inscunter suprem da la Nato il 9 da fanadur 2016 a Warschau (PL). Keystone

Sco la Chas'alva communitgescha vinavant haja Trump era declerà ch'el vegnia a sa participar ad in inscunter da la Nato la fin da matg a Brüssel. Plinavant haja el discurrì cun Stoltenberg davart ina soluziun paschaivla dal conflict al cunfin tranter la Russia e l'Ucraina sco er davart la dumonda da la finanziaziun da la Nato.

Avant aveva Trump rinfatschà da maniera gizza als alliads da la Nato da sa laschar finanziar lur segirtad dals Stadis Unids. Entant ha Trump s’exprimì pli positivamain.

RR novitads 07:00