Las rinfatschas da corrupziun stattan en connex cun dus concerts da la chantadura Mariah Carey en Tunesia l'onn 2006. Ina part dal gudogn ch'avess gì da vegnir pajada al fond da solidaritad naziunal na saja mai arrivada là.
Sentenzià pliras giadas durant absenza
Avant sia cupitgada ha Ben Ali guvernà la Tunesia durant 23 onns e quai a moda fitg rigurusa. Dapi sia cupitgada è el vegnì sentenzià pliras giadas en absenza. Pervi da la terrada sanguinusa da las protestas vers el nua che dapli che 300 persunas èn vegnidas assassinadas è el vegnì setenzià per vita duranta.
El viva cun sia dunna en l'exil saudi-arabic.
RR novitad 15:00