Siglir tar il cuntegn

Exteriur Tudestgs teman per la coesiun entaifer l'UE

Bunamain dus terzs dals Tudestgs teman en vista a la crisa da fugitivs per la coesiun entaifer l'Uniun europeica. La retschertga da l'emettur tudestg ZDF mussa che 63% dals dumandads teman per la UE, avant duas emnas eran quai anc 55%. 34% n'han dentant betg quella tema, ha communitgĂ  l'emettur.

Angela Merkel
Legenda: La crisa da fugitivs piztga la reputaziun da la chanceliea Angela Merkel. Keystone

Passa trais quarts dals Tudestgs beneventan las controllas al cunfin che la Germania ha reintroducì pervi da la gronda fula da fugitivs. Sulet ina da tschintg persunas dumandadas na chattan questas controllas betg bunas.

Ina clera maioritad, 57%, èn vinavant dal maini che la Germania possia supportar il grond dumber da fugitivs ch'arrivan en il pajais Var 40 pertschient na crajan dentant betg quai.

Per la retschertga an ins dumandà 1'225 persunas cun il dretg da vuschar.

RR novitads 14:00