Siglir tar il cuntegn
cuntegn

Exteriur Tsipras vul metter ina fin a las dispitas en sia partida Syriza

En Grezia ha il prim minister grec Alexis Tsipras fatg 2 propostas per finir la dispita en sia partida Syriza.

Alexis Tsipras durant ses pled avant il comité central da sia partida Syriza.
Legenda: Alexis Tsipras durant ses pled avant il comité central da sia partida Syriza. Reuters

Ina saja da decider sur dal curs futur da la partida durant in inscunter da partida il settember. In’autra saja da laschar votar tut ils commembers da la partida proxima fin d’emna.

I na possia betg ir uschè vinavant, ha ditg Tsipras avant la suprastanza da la partida. Decisiuns stoppian vegnir resguardadas da tut ils commembers.

La partida Syriza è en ina crisa. Plirs represchentants da la partida avevan votà cunter ils programs da refurma. Tsipras ha sulet cun las vuschs da l’opposiziun pudì cuntanscher las vuschs necessarias en il parlament.

RR Novitads 15:00