Il termin exact n’è anc betg fixà. Differentas agenturas han scrit che quellas sajan previsas per ils 20 da settember.
Tsipras ha ditg che ussa, cura ch’il nov pachet d’agid dals crediturs internaziunals saja sut tetg, dovria el in nov, ferm mandat da la populaziun.
El ha fatg responsabels l’ala radicala sanestra da sia partida Syriza per la demissiun. Quella n'era betg stada fidaivla ad el tar las votaziuns davart il terz pachet d'agid ed il curs da spargn.
Plinavant avevan las duas partidas tradiziunalas PASOK e Nea Dimokratia refusà il sustegn ad el.
RR novitads 18:00