Tsipras empermetta da realisar spertamain il program d'agid

5 dis suenter sia reelecziun ha il primminister grec Alexis Tsipras appellà a sia regenza da realisar uschè spert sco pussaivel il nov program d'agid e da spargn. A chaschun da l'emprima reuniun da la nova regenza ha Tsipras ditg ch'els sajan cunscients dals puncts difficils tar la realisaziun.

Alexis Tsipras

Legenda da maletgs: Alexis Tsipras è pertschart ch'igl è difficil da realisar ils puncts critics dal program d'agid. Keystone

Questa succedia dentant senza destruir la solidaritad en il pajais. Sco mesiras principalas ha il primminister grec menziunà ina restructuraziun dals debits ed il cumbat cunter la dischoccupaziun da var 25%.

RR novitads 15:00