Siglir tar il cuntegn

Header

video
Urbi et orbi 2016 (Funtauna: VACTV - Centro Televisivo Vaticano)
Or da RTR dals 27.03.2016.
laschar ir. Durada: 6 minutas 29 Secundas.
cuntegn

Exteriur «Tschorv e crudaivel»

En ses pled da Pasca cun il punct culminant «urbi et orbi» ha il papa condemnà ils acts da terror da l'ultim temp.

Ensemen cun millis da pelegrins ha il papa Francestg celebrà la messa tradiziunala da Pasca a Roma. Pervi dals attentats da l'ultim temp ha la polizia fatg controllas pli rigurusas sin ed enturn la plazza Son Pieder. Il papa ha lura er tematisà quests attentats:

Gist da Pasca sentan ins la vischinanza tar las unfrendas dal terrorissem - questa furma da violenza brutala che na chala betg da sponder sang innocent en numerusas parts dal mund.

Il papa ha er fatg attent sin tut quels umans che èn sin via en in meglier avegnir. Questa fulla da migrants e fugitivs che daventia pli e pli gronda vegnia savens refusada da quels ch'avessan la pussaivladad da porscher agid.

Il mund è plains da persunas che pateschan da corp ed olma, durant che las novitads s'emplainan cun rapports davart crims sgarschaivels.

La messa da Pasca è ida a fin cun il «urbi et orbi» tradiziunal.

RR novitads 12:00

Artitgels legids il pli savens