Siglir tar il cuntegn

Header

cuntegn

Exteriur Tschintg fugitivs moran tar disgrazia sin Mar Egeica

En il nordost da l'insla egeica Samos è cupitgada ina bartga da fugitivs. Almain tschintg persunas sajan najadas. Tut tenor funtauna sajan quatter u tschintg persunas vegnidas spendradas. Quai communitgeschan la guardia costala.

En via sur mar da la Tirchia en Grezia èn almain tschintg persunas mortas. Pervi dal ferm vent e mar auta saja lur bartga da gumma cupitgada la notg sin la sonda. Bartgas da l’agentura da segirezza da cunfins da l’UE Frontex han pudì spendrar quatter u tschintg persunas, tut tenor funtauna.

Anc adina arrivan fugitivs sin inslas greccas

Grazia a la cunvegna tranter l’Uniun europeica e la Tirchia èn ils ultims dis passa 300 fugitivs vegnids tramess enavos da la Grezia en la Tirchia. Malgrà questa cunvegna arrivan anc adina fugitivs sin las inslas greccas.

Tenor las autoritads greccas communitgeschan èn ils ultims dus dis totalmain 120 persunas arrivadas. Quantas persunas ch’en totalmain stadas a bord n’è betg enconuschent. I sa tracta da las emprimas unfrendas en la Mar Egeica dapi emnas.

RR novitads 10:00 / 17:00

Artitgels legids il pli savens