Siglir tar il cuntegn
Inhalt

Exteriur Tschientmilli persunas demonstreschan ad Istanbul

Pliras tschientmilli persunas èn sa rimnadas dumengia saira en la chapitala tirca tar ina demonstraziun dal manader da l’opposiziun tirca Kemal Kilicdaroglu.

Persunas cun bandieras che sustegnan il manader da l'oposiziun tirca.
Legenda: Persunas èn sa rimnadas al marsch da giustia e sustegnan uschia il manader da l’opposiziun tirca Kilicdaroglu. Keystone

La manifestaziun è en il medem mument la finiziun d’in marsch per giustia che ha gì lieu durant las davosas trais emnas en Tirchia. Uschia è il parsura da la partida republicana marschà 420 kilometers a pe dad Ankara enfin Istanbul. Il davos vegniva Kilicdaroglu accumpagnà da dieschmillis da persunas.

Massa forzas da segirtad

Las manifestaziuns vegnan segiradas cun in grond dumber da policists, sco il primminister tirc Binali Yildrim ha ditg vegnian els a far il pussaivel per garantir la segirtad da la manifestaziun.

RR novitads 18:00