Siglir tar il cuntegn
cuntegn

Exteriur Tschechia e Slovachia senza remischun

La Tschechia e la Slovachia restan diras en chaussa politica d'asil. Suenter in inscunter dals dus primministers ensemen cun il chancelier federal austriac Faymann a Bratislava ha il premier slovac robert Fico ditg che quotas liantas per prender si fugitivs sajan irraziunalas.

3 primministers sesan sin in canapè
Legenda: Da san.: W. Faymann, R. Fico e B. Sobotka, ils primministers da l'Austria, la Tschechia e la Slovachia. Keystone

Sco argumentaziun ha Fico ditg ch'ils fugitivs na veglian betg ir en l'Europa centrala da l'ost.

En vista ad ina critica creschenta da l'Austria ha il premier tschec, Bohuslav Sobotka, ditg che la crisa da fugitivs na dastgia betg periclitar las bunas relaziuns tranter ils vischins.

Entant emprova il cumissari da l'UE, Dimitris Avramopoulos, da survegnir dapli sustegn per ina nova proposta per reparter a moda faira ils fugitivs sin ils singuls stadis commembers da l'UE. Il president da la cumissiun, Jean-Claude Juncker, preschenta la mesemna in nov concept.

RR novitads 06:00