Siglir tar il cuntegn

Header

Navigaziun

Schuldada da la regenza ucranaisa en in char armà.
Legenda: Schuldada da la regenza ucranaisa ordvart la citad da Debalzewe. Reuters
cuntegn

Exteriur Truppas ucranaisas sa retiran da Debalzewe

En la citad Debalzewe en l’ost da l’Ucraina sa retiran las truppas ucranaisas, quai ha confermà il president ucranais Petro Poroschenko.

4/5 da las truppas hajan uss bandunà la citad da Debalzewe, quai rapportan plinavant pliras agenturas da novitads.

Avant aveva il viceschef da la polizia ucranaisa en la regiun ditg che l’armada ucranaisa na vegnia betg a dar si la citad da Debalzewe.

Putin aveva appellà da sa retrair

Putin aveva appellà indirectamain a Kiew da sa retrair da la citad e da deponer las armas grevas. Tenor l'agentura da novitads Interfax han ils separatists pro russ entant cumenzà a retrair las armas grevas ord il territoris ucranais, nua ch'i na vegn betg pli cumbattì.

Appell da l’ONU

Ordavant avevan la cumissiun da segirezza da las Naziuns Unidas appellà ad omaduas partidas da conflict da terminar immediat ils cumbats. La cunvegna da Minsk prevesa che las duas partidas deponan las armas grevas aifer duas emnas. Il mardi avess l'acziun gì da cumenzar.

RR novitads 10:00/11:00