Siglir tar il cuntegn
Inhalt

Exteriur Trump vul trametter astronauts americans sin la glina

Là duai vegnir endrizzà ina basa che po servir per ulteriuras missiuns, per exempel talas sin il Mars.

Start da l'Apollo 17 il 1972
Legenda: Maletgs uschia duai bainbaud puspè dar: L'Apollo 17 il 1972 è stada la davosa missiun equipada sin la glina. Keystone

Il president american Donald Trump ha incumbensà l'agenzia astronautica NASA da puspè trametter missiuns spazialas equipadas sin la glina. Quai ha ditg Trump a chaschun d'ina ceremonia en la Chas'alva. Trump ha suttascrit l'incumbensa a la commemoraziun da l'ultima missiun spaziala sin la glina avant 45 onns – l’Apollo 17 l’onn 1972. Quai ha il president fatg en preschientscha da Buzz Aldrin, in dals trais emprims astronauts americans ch'èn stads il 1969 sin la glina.

Basa per missiuns sin il mars

Sin la glina duai alura vegnì endrizzar ina basa per far missiun sin il mars. Il president american ha suttascrit ina directiva correspundenta che fixescha quella finamira sco finamira dalla politica americana. In spazi da temp u in budget per quella finamira ambiziunada n’è dentant betg vegnida numnada.

RR novitads 06:00