Siglir tar il cuntegn
Inhalt

Exteriur Trump taidla sin in derschader - almain il mument

La regenza americana ha annullà il scumond da visum, ch’il president Donald Trump aveva decis per diesch-millis dad esters.

Il president american Donald Trump
Legenda: Il president american Donald Trump fa in pass enavos, e spera da lura pudair far dus anavon. Keystone

Cun quai saja la regenza suandada a la decisiun d’in derschader federal, ha communitgà il ministeri da l’exteriur american. Quest derschader aveva abolì il decret che scumonda als burgais da set pajais muslims d’entrar en ils Stadis Unids.

Avant aveva Trump anc titulà la decisiun dal derschader federal sco ridicula. Fitg bain pussaivel è che la regenza americana vegn anc a sa drizzar la sonda ad ina dretgira da recurs federala. La finamira fiss che quella aboliss la decisiun dal derschader federal.

RR novitads 18:00