Siglir tar il cuntegn

Header

sguard sin ina territori nua ch'i vegn explotà charvun
Legenda: Trump ha empermess d'avrir puspè las minieras da charvun. Keystone
cuntegn

Exteriur Trump schlucca la protecziun dal clima

Il president american Donald Trump najenta la politica da clima da ses antecessur Barack Obama. Trump ha suttascrit in decret ch'abolescha per immediat il moratori per explotar charvun. Anc avert è sch'ils Stadis Unids sa retiran ord la cunvegna da clima da Paris.

Donald Trump aveva empermess a l'industria da charvun da puspè avrir lur minieras. Uschia duain ils Stadis Unids vegnir independent da l'energia da l'exteriur.

Il «Clean Power Plan» da Barack Obama da l'onn 2015 preveda cundiziuns severas per las emissiuns d'ovras da charvun. Sia regenza termineschia la guerra cunter il charvun ha ditg Trump cura ch'el ha suttascrit il decret. Cun quest decret ha el er abolì da pudair dar a fit terren public per terren public. Vitiers mida el las limitas da las emissiuns da metan en l'industria d'ieli e gas.

Reacziuns vehementas d'auters pajais

La ministra da l'ambient tudestga, Barbara Hendrick ha exprimì critica vehementa: Tgi ch'emprovia ussa da metter en il gir anavos fetschia be donn a sa sez ed a la concurrenza internaziunala, uschia Hendricks. Il schef dal program per l'ambient da l'ONU ha avertì ils Stadis Unids da prender cumià da la politica dal clima. Tar la protecziun dal clima dovrian ins pir che mai la forza dals Stadis Unids.

RR novitads 22:00