Siglir tar il cuntegn
Inhalt

Exteriur Trump sa metta en cunter violenza sexuala

Donald Trump ha declerà l'avrigl sco mais da sensibilisaziun e prevenziun cunter violenza sexuala. Quai malgrà ch'i dat talas renfatschas cunter el sez.

Donald Trump.
Legenda: El refusa tut las renfatschas da violenza sexuala. Keystone

Tenor il president american Donald Trump èn attatgas sexualas deplorablamain anc adina fitg derasadas e memia savens taschan las unfrendas. Las attatgas chattan lieu en relaziuns, en la publicitad e tar la plazza da lavur. Perquai ha el declerà il mais avrigl sco mais da sensibilisaziun e prevenziun cunter violenza sexuala.

Mia regenza sa metta en per augmentar la schientscha sin attatgas sexualas e per sustegnair las unfrendas d'identifitgar culpabels per ch'ins possia trair consequenzas.
Autur: Donald TrumpPresident american

Dentant datti era cunter Trump sez renfatschas davart mulestas sexualas. Almain 20 dunnas han renfatschà ad el, ch'el haja mulestà ellas avant ch'el saja daventà president. E pir da curt ha ina recepziunista pretendì ch'il president american haja bitschà ella senza ses consentiment. El refusa dentant tut las renfatschas.

RR novitads 09:00