La regenza da Donald Trump ha in'ulteriura giada fatg naufragi cun il scumond d'entrar il pajais. Il scumond pertutga persunas da 6 differents pajais per il pli muslims. Quellas persunas na dastgan cun quest decret da Trump betg entrar pli ils Stadis Unids. Ina derschadra da Seattle aveva dentant mess ord funcziun il decret da Trump. Quel giaja cunter ils dretgs umans. Er la dretgira dal stadi Hawaii ha ussa decidì da refusar l'appell da la regenza da Trump. Il scumond mainia a caos e confusiun.
Independentamain da questa decisiun aveva la regenza gia dà en il cas tar la dretgira suprema. Anc n'è nagina data fixada. Anc avant questa decisiun aveva gia ina dretgira a Virginia refusà l'appell da Trump.
RR novitads 20:00