Siglir tar il cuntegn
cuntegn

Exteriur Trump per l’emprima giada avant Clinton

Quai resulta d'ina retschertga cuminaivla da l’emettur ABC e la gasetta Washington Post.

Els dus tar la terza debatta presidiala.
Legenda: Trump per l'emprima giada avant Clinton - quai resuölta dad ina retschertga publitagada da l'emettur ABC e la gasetta Washington Post. Keystone

Tenor las cifras publitgadas il mardi vegn il candidat republican Donald Trump cun 46 puncts da pertschient sin in punct dapli che sia concurrenta democrata Hillary Clinton.

I vegn supponì che l'enthusiassem per Clinton tschessia pervia da las novas publicaziuns dal FBI arreguard dad e-mails ord il conturn da Clinton.

Respecont il sistem electoral dals Stadis Unids, pia las vuschs dad electurs per stadi federativ, giascha clinton era cun las novas retschertgas anc adina cler avant Trump. Uschia saja era Mitt Romney stà en il cumbat electoral cun Barack Obama l’onn 2012 per in punct avant Obama. Il medem era il 2004: Lura aveva John Kerry in punct dapli che George W. Bush. Romney e Kerry han omadus pers las elecziuns.

Decisiv è quants electurs presidenzials che la candidata ed il candidat pon gudagnar en mintga stadi federativ. Qua è Clinton cleramain avant Trump.

RR novitads 14:00