Gia dalunga sajan 100% dals territoris deliberads ord mauns da la milissa terroristica Stadi Islamic (SI), ha il president american Donald Trump ditg avant lavurants d'industria en il stadi Ohio. Perquai vegnan ils schuldads americanas bainbaud a sa retrair da la Siria ed a turnar en lur patria, «nua ch'els tutgian e sajan gugent». Auters duain s'occupar da la Siria. Tgi ch'el manegia n'ha el però betg ditg. En l'ost da la Siria èn en acziun passa 2'000 schuldads americans.
Stadi islamic
Avrir la boxSerrar la box
Il zercladur 2014 aveva il Stadi islamic proclamà in califat en grondas parts da la Siria. Tras las truppas americanas ha il Stadi islamic però pers pussanza en la Siria.
Dasper ils Stadis Unids han er la Russia e l'Iran grondas truppas en la Siria.