En in'intervista cun l'emettur ABC ha Trump fatg allusiun ch'el pudessi sco president american renconuscher l'annexiun da la Peninsla da la Crim. Suenter quai ch'el haja udì, veglia la glieud sin la Crim pli gugent esser tar ils Russ, uschia Turmp.
«Sche noss pajais vegniss ora bain cun la Russia, fiss quai ina gronda chaussa.»
Ils Stadis Unids e ses alliads giuditgeschan però l'annexiun da la Crim sco cuntrari al dretg internaziunal e na la renconuschan betg. Vitiers ha Trump er ditg che Putin na vegnia betg ad ir en l'Ucraina, quai che lascha supponer ch'il republican n'è probabel betg infurmà dal tut davart las intervenziuns militaras russas en l'Ucraina.
RR novitads 12:00