Siglir tar il cuntegn
Inhalt

Exteriur Trump mida strategia pertutgant la Siria

Ils Stadis Unids da l’America vulan stgatschar il president sirian Baschar al-Assad ord da ses uffizi.

Donald Trump.
Legenda: Il president american Donald Trump ha curregì sia opiniun. Keystone

Quai dovra uss ina midada da reschim, pasch en Siria cun Assad na saja betg pussaivel, ha ditg l’ambassadura americana tar las Naziuns Unidas Nikki Haley.

Nus na vesain nagin paschaivel Siria cun Assad
Autur: Nikki HaleyAmbassadura americana tar las Naziuns Unidas

Il president american Donald Trump ha uschia curregì sia opiniun, en il cumbat electoral aveva el anc propagà da betg vulair intervegnir militarmain en Siria. El fa ussa dentant responsabel il reschim dad Assad, d'avair utilisà gas toxic cunter l'atgna populaziun en la citad Chan Scheichun. Perquai saja l'attatgà sin ina plazza aviatica da l'armada siriana stada necessaria.

Era predicatur iracais pretenda che Assad sa retira

En l’Irac ha per l’emprima giada in aut represchentant schiit pretendì ch’il president sirian Baschar al-Assad sa retiria. Il predicatur Moktada al-Sadr ha ditg, che Assad duaja prender la decisiun

istorica ed eroica

Sche Assad demissiunass n’avess ses pajais betg da patir pervi da guerra e terrorissem. Plinavant ha il predicatur crititgà l’attatga da rachetas americana sin ina basa da l’aviatica militara siriana. En il cumbat cunter il Stadi Islamic è l’Irac in allià dals Stadis Unids.

RR novitads 10:00