Donald Trump è il victur en ils stadis federativs Illinois, North Carolina e Florida. In dals cuntracandidats da Trump, Marco Rubio, è oriund dal stadi da Florida, ed ha suenter sia sconfitta annunzià da sa retrair da la cursa per il presidi american. En il 5avel stadi cun pre-elecziuns Missouri separan mo paucas millis vuschs ils candidats Donald Trump e Ted Cruz.
Nagin avantatg decisiv per Trump
Uschia vegn Donald Trump il mument sin 621 vuschs da delegads, ses cuntracandidat cun las bleras vuschs Ted Cruz vegn sin 396 vuschs. Per la nominaziun basegnan ils republicans 1’237 vuschs da delegads.
Success per Hillary Clinton
Tar las pre-elecziuns dals democrats gudogna la favurita Hillary Clinton las vuschs dals delegads en 4 stadis americans. A Clinton van ils stadis federativs Ohio, Florida, Illinois e North Carolina. Per il stadi da Missouri mancan anc las cifras finalas.
Clinton augmenta avantatg
L’anteriura ministra dal exteriur americana Clinton cuntanscha uschia il mument 1’561 vuschs da delegads, ses cuntracandidat Bernie Sanders vegn sin 800 vuschs da delegads. Ils democrats basegnan per ina nominaziun 2’383 vuschs da delegads.
RR Novitads 06:00
