Siglir tar il cuntegn

Header

Navigaziun

Industria d'atschal en Germania, diversas rollas grondas da metal.
Legenda: Ils dazis da multa sin aluminium ed atschal daventan realitad. Keystone
cuntegn

Exteriur Trump fa serius cun ils dazis da multa

Davent da venderdi ston interpresas da l'UE pajar dazis da multa sin exports d'atschal e d'aluminium en l'USA.

Il president american Donald Trump fa serius cun ils dazis da multa envers l'Uniun europeica: Davent da venderdi, il 1. da zercladur, ston interpresas dals pajais commembers da l'uniun pajar dazis sin exports d'atschal e d'aluminium en ils Stadis Unids da l'America. Il dazi per atschal munta a 25% e per aluminium a 10%. La regulaziun excepziunala che vala anc fin oz, na vegnia betg prolungada, ha declerà il minister d’economia american Wilbur Ross.

L’UE vegnia a reagir cun dazis da vendetga sin ils dazis da multa dals Stadis Unids. Quai ha annunzià il president da la cumissiun da l'UE, Jean-Claude Juncker. Vitiers vegnia inoltrà in plant da l'organisaziun mundiala da commerzi, la WTO.

RR novitads 17:00