Siglir tar il cuntegn
cuntegn

Exteriur Trump dat tiers - Russia dementescha

Per il president american Donald Trump èsi absolutamain legitim da cundivider infurmaziuns cun la Russia. Sco president american veglia el cundivider fatgs davart il terrorissem, ha Trump scrit sin Twitter. Quai saja ses bun dretg.

Sergej Lawrow, il minister da l'exteriur russ e Donald Trump.
Legenda: Sergej Lawrow, il minister da l'exteriur russ e Donald Trump. Keystone

El haja cundividì cun il minister da l'exteriur russ, Sergej Lawrow, fatgs davart terrorissem e segirtad da sgol ha fatg a savair il president american. El ha uschia prendì posiziun envers las renfatschas da la gasetta Washington Post che ha rapportà che Trump haja dà vinavant infurmaziuns top secretas davart la milissa terroristica SI. Quai sajan stadas infurmaziuns ch’ils Stadis Unids hajan survegnì dad in servetsch secret.

Il cussegliader da segirezza da Trump ha titulà sco «fauss» ils rapports da medias. Er la Russia ha refusà ils rapports da la Washington Post e da la New York Times.

RR novitads 17:00