Tenor indicaziuns da la regenza americana èn uss danovamain il Tschad, la Venezuela e la Corea dal Nord pertutgads da las restricziuns. Sin la glista èn il mument er ils stadis Iran, Jemen, Libia, Somalia e Siria. Betg pli sin questa glista da restricziuns è il Sudan.
Betg per tut ils pajais valan las medemas restricziuns
Ils burgais dals otg pajais na ston betg tuts quintar cun las medemas restricziun. Per la Venezuela valan las restricziuns per exempel sulet per tscherts commembers da la regenza e lur famiglias, scriva la Chasa alva. La dumengia èn scadids scumonds d’entrada per burgais da sis stadis per gronda part islamics.
RR novitads 06:00