Siglir tar il cuntegn

Exteriur Tribunal suprem dat chanaster a presidenta Rousseff

En la Brasilia ha il tribunal suprem refusà il plant da la presidenta Dilma Rousseff.

dilma rousseff
Legenda: La president brasiliana Dilma Rousseff ha adina damain opziuns. Keystone

La presidenta Dilma Rousseff aveva appellà al tribunal suprem cun l’argument che la procedura da relaschar ella da l’uffizi saja manglusa, e violeschia ils princips dad in process gist.

Uschia po la chombra dals deputads votar davart la relaschada d’uffizi sco planisà questa dumengia. Sche dus terzs da la chombra dals deputads din gea, dovri anc anc la maioritad dal senat per relaschar la presidenta.

Ad ella vegn renfatschà d'avair manipulà contos da la regenza per far star nà meglier ella e sia regenza pertutgant la prestaziun economica.

RR novitads 07:00