Perquai ch'ella n'ha betg realisà las recumandaziuns dal gremi dal Cussegl d'Europa (Greco) survegn la Svizra danovamain la nota «betg suffizient». Dapi l'ultim rapport n'haja la Svizra fatg nagin progress, hai num en il rapport dal Cussegl d'Europa che cumbatta la corrupziun.
Ins deploreschia che las autoritads svizras sajan restadas tar lur tenuta e n'hajan instradà naginas midadas tar la lescha davart la transparenza. Quai areguard la finanziaziun da partidas e campagnas electoralas.
Che l'iniziativa «Per dapli transparenza» saja reussida laschia però sperar. Fin la fin da mars da l'auter onn sto la Svizra preschentar in rapport davart ils svilups.
Il gremi dal Cussegl d'Europa sustegna e rinforza il cumbat encunter la corrupziun cun far questiunaris e visitar ils stadis.
RR novitads 12:00
