Siglir tar il cuntegn
cuntegn

Exteriur Trais morts suenter attatga sin scola en Svezia

Dasper il deliquent moran duas persunas, in scolast da la scola ed ina scolara d'ina scola en Svezia dal Sid. Duas ulteriuras persunas èn vegnidas blessadas grevamain.

Autos da polizia ed ina mamma cun in uffant che van.
Legenda: Il motiv dal attentader è il mument anc intschert. Keystone

Tenor indicaziuns da la polizia ha il delinquent da 21 onns attatgà las persunas en in café d'ina scola. La finala ha la polizia franà l'attatgader cun sajets., rapportan pliras agenturas da novitads sa referind sin indacaziuns da la polizia.
Davart il motiv da l'um na datti anc naginas indicaziuns. Damai ch'el era mascrà e vestgì nair, avevan scolars l'impressiun ch'i sa tractia d'in stuc da Halloween, scrivan las agenturas da novitads.

RR novitads 17:00