El na planiseschia bain betg da candidar ils 8 da zercladur da las elecziuns parlamentaras anticipadas, ma el saja pront da far «tschuff ils mauns» per tuttina anc impedir il Brexit, ha Blair ditg al Daily Mirror.
Puspè ina lezia
El na veglia betg sa renfatschar da na betg avair intervegnì «en quest mument istoric» e d'avair fatg nagut. L'um da 63 onns è pro Europa e ha manà da l'onn 1994 fin 2007 la partida labourista. Dapi diesch onns è el pli u main svanì dal palc politic.
La chaussa Brexit ha motivà mai da puspè maschadar en mai dapli en la politica
Donn per la Gronda Britannia
En pliras intervistas ha Blair accentuà ch'ils plans da la primministra Theresa May da sortir da l'Uniun europeica e da serrar giu ina cunvegna da commerzi cun l'UE fetgia donn a la Gronda Britannia. Londra vul la fin da mars 2019 extrar da l'UE. Fin lura sto in contract d'extrada cun l'UE esser avant maun.
RR novitads 06:00
