Siglir tar il cuntegn
cuntegn

Exteriur Tom Petty: surdosa da medicaments per sbagl

Il musicist american Tom Petty, ch'è mort l'october 2017 en la vegliadetgna da 66 onns, è mort pervia d'ina surdosa per sbagl. Quai ha communitgà sia famiglia.

Tom Petty.
Legenda: EL era ì cun dolurs sin turnea. Keystone

L'october passà era il musicist american Tom Petty mort vi d'ina fermada dal cor. Ins ha analisà ina maschaida da plirs medicaments en il sang da l'um da 66 onns.

Sia famiglia declera sin Facebook che Petty aveva rut ina part dal chalun e problems cun il schanugl. Tuttina saja el ì sin turnea. Mo apparentamain saja il mal vegnì nun-supportabel uschia ch'el haja per sbagl prendì ina surdosa.

Famiglia spera ch'il cas animescha a discussiuns

La famiglia da Petty spera ch'il rapport d'autopsia animeschia a discussiuns davart il maldiever da medicaments en ils Stadis Unids. Bleras persunas ch'i morian pervia d'ina surdosa hajan cumenzà pervia d'ina simpla blessura u vesian betg la fermezza e las pussaivlas consequenzas dals medicaments, accentueschan la dunna e la figlia da Petty.

RR novitads 06:00