Il president tirc Recep Tayyip Erogan ha proclamà ufficialmain elecziuns novas suenter che las tractativas da coaliziun tranter la partida AKP ed il center sanester han fatg naufragi, quai rapporta l'agentura da novitads statala Anadolu.
Ordavant era Edogan sa cusseglià pliras uras cun il president dal parlament. In datum exact n'è anc betg vegnì numnà. I vegn però spetgà che las elecziuns han lieu il prim da november. Fin lura duai ina regenza transitorica manar las fatschentas, uschia Anadolu vinavant.
Tar las elecziuns dal parlament il zercladur aveva la partida da la regenza AKP pers la maioritad absoluta.
