Aviuns da l'armada tirca han sajettà giu sin il cunfin cun la Siria ina drona estra. I na saja betg enconuschent da tge naziun che l'object saja, ha ditg il minister da l'exteriur tirc.
Malgrà avair avertì 3 giadas, saja la drona sgulada vinavant e perquai vegnida sajettada giu.Anc betg cler è a tgi che la drona tutga.
Da vart americana hai num ch’i sa tractia probabel d'ina drona russa. Il ministeri da defensiun a Moscau ha perencunter communitgà che tuttas dronas sajan en funcziun sco planisà.
