Siglir tar il cuntegn
Inhalt

Exteriur Tirchia: Resultat final da la refurma è gea cun 51,41%

Il resultat final uffizial da la cumissiun d'elecziun per il referendum da la constituziun è vegnì preschentà. El conferma il resultat provisoric. 51,41% hajan votà per las midadas, 48,59% encunter, ha communitgà la cumissiun d'elecziun.

Purtret da cedels da votaziun en cuvertas.
Legenda: Er ils cedels da votaziun senza bul uffizial èn vegnids dumbrads. Keystone

La participaziun a l'elecziun è stada tar 85,43%. La midada da la constituziun dat dapli pussanza al president dal pajais, il post dal primminister duai vegnir stritgà. Cun 25,16 milliuns vuschs u 51,41% è la refurma vegnida approvada. Ils adversaris han gì radund 23,78 milliuns vuschs e cun quai mo 48,59%. Uschia è la refurma approvada.

Adversaris da la refurma han renfatschà a la cumissiun d'elecziun d'esser partischanta. L'opposiziun vul uschia cumbatter il resultat. Els crititgeschan sur tut la decisiun a curta vista d'acceptar sco correct cedels da votaziun senza il bul uffizial. L'opposiziun vul era activar il Tribunal europeic dals dretgs umans a Strasbourg.

RR novitads 06:00