Siglir tar il cuntegn
Inhalt

Exteriur Tirchia refusa rinfatschas da la Germania

La Tirchia ha refusà vehementamain la rinfatscha da la Germania d'esser collià stretgamain cun Islamists radicals.

Persunas che fan ir vi e nà bandieras tircas.
Legenda: La valitaziun da la regenza tudestga saja ina nova manifestaziun d'empruvar da flaivlentar la Tirchia. Keystone

La valitaziun da la regenza tudestga demussi ina giada dapli ina «mentalitad sturna» che haja en mira il president tirc Recep Tayyip Erdogan. Il ministeri da l'exteriur tirc communitgescha che las rinfatschas sajan ina nova manifestaziun d'empruvar da flaivlentar la Tirchia.

L'emettur da televisiun tudestg ARD ha rapportà che la Tirchia saja la plattafurma d'acziun centrala per organisaziuns islamisticas. Quai cumprovia in document secret da la regenza tudestga.

RR novitads 15:00