Siglir tar il cuntegn

Exteriur Tirchia: Procura publica pretenda praschun per politichers da HDP

Il co-president da la partida procurda, Selahattin Demirtas duai ir en praschun per tschintg onns pervi da propaganda terroristica.

Politicher.
Legenda: Sia immunitad parlamentara è vegnida abolida: Il schef da la HPD Selahattin Demirtas. Reuters

En la Tirchia ha la procura publica purtà plant cunter dus commembers prominents da la partida procurda HDP. Ella pretenda tschintg onns praschun per il co-president ed il vice-president da la partida HDP. Ad omadus renfatscha la procura publica da far propaganda per in’organisaziun terroristica – numnadamain la partida scumandada curda PKK.

Il matg era l’immunitad parlamentara da delegads da la partida pro-curda HDP vegnida annullada. Il president Recep Tayyip Erdogan renfatscha a la partida dad esser il bratsch politic da la PKK.

RR novitads 22:00