L'organisaziun «Human Rights Watch» crititgescha che la sentenzia haja motivs politics. Ils dus schurnalists, critics envers la regenza tirca, eran vegnids sentenziads il venderdi d'ina dretgira ad Istanbul a tschintg respectivamain sis onns praschun.
Els èn vegnids declerads culpants d'avair publitgà documents secrets. Ultra da quai vegnan els suspectads d'avair sustegnì in'organisaziun terroristica.
La procedura giuridica era vegnida valitada sin champ internaziunal sco culp cunter la libertad da pressa en Tirchia.
Il november 2015 aveva la regenza tirca laschà arrestar ils dus schurnalists.
RR novitads 6:00